Денови на електротехниката 2016

Во периодот  од: 18 до 20.05.2016 година во СГСУ на ГС “Михајло Пупин” се одржа манифестацијата ,,Денови на електротехниката 2016’’, на која свое учество имаа 36 училишта од Град Скопје, со вкупно пријавени: 146 ученици и 37 наставници-ментори.  

По свеченото отворање на манифестацијата (18.05.2016 година) за учесниците се реализираше традиционалниот тест-натпревар по Физика. Вториот ден беше организирана екскурзија со посета на ХЕ ,,Матка’’-Скопје, каде што учениците имаа можност да се запознаат со принципот на работа на оваа хидроцентрала. Последниот ден од манифестацијата, најдобрите три екипи (рангирани според постигнатите резултати на тестот по физика) учествуваа на квиз-натпреварот со кој се одреди и годинешниот победник. 

Првото место го освоија учениците од ОУ ,,Јан Амос Коменски’’- општина Карпош: Теодора Поповиќ, Андреј Николиќ и Алексеј Кубелка под менторство на наставничката Рада Стаменкоска.

Второто место го освоија учениците од ОУ ,,Љубен Лапе’’ – општина Аеродром: Теодора Стојческа, Антон Ушинов и Никола Начев под менторство на наставничката Добрила Јовановска Ѓоргон.

Третото место го освоија учениците од ОУ ,,Димитар Миладинов’’ – општина Центар: Деспина Мишева, Матеа Штрковска и Димитар Гугучески под менторство на наставничката Аида Петровска.

2014 год.

Од 21 до 23 мај 2014 год. се одржаа третите по ред Денови на електротехниката, организирани од Средното електротехничко училиште на Град Скопје „ Михајло Пупин “. Манифестацијата поддржана од Локалната самоуправа на Општините од Град Скопје и од Бизнис заедницата и оваа година ги собра на едно место наставниците по физика од Основните училишта и нивните ученици. На натпреварот учествувале 51 ментор со 198 натпреварувачи.

НАЈУСПЕШНИТЕ:

I место – ООУ “Војдан Чернодримски”

II место – ООУ “Димитар Миладинов”

III место – ООУ “Љубен Лапе”